കറണ്ട് അഫയേഴ്സ്: ഫെബ്രുവരി 13, 2026

പ്രതിരോധം (Defense)

 
റാഫേൽ വിമാന കരാർ: ഇന്ത്യ പുതുതായി 114 റാഫേൽ യുദ്ധവിമാനങ്ങൾ വാങ്ങാൻ തീരുമാനിച്ചു.
കരാർ തുക: ഏകദേശം 3.25 ലക്ഷം കോടി രൂപയുടേതാണ് ഈ മെഗാ കരാർ.
മേക്ക് ഇൻ ഇന്ത്യ: ഇതിൽ 96 എണ്ണം 'മേക്ക് ഇൻ ഇന്ത്യ' പദ്ധതിയുടെ ഭാഗമായി
ഇന്ത്യയിൽ തന്നെ നിർമ്മിക്കും.

 
വിദ്യാഭ്യാസം (Education)

 
ഒന്നാം ക്ലാസ് പ്രവേശനം: ദേശീയ വിദ്യാഭ്യാസ നയത്തിന്റെ ഭാഗമായി കേരളത്തിൽ
ഒന്നാം ക്ലാസ് പ്രവേശനത്തിന് 6 വയസ്സ് പൂർത്തിയാകണമെന്ന് കേന്ദ്ര
നിർദ്ദേശം.
നടപ്പിലാക്കുന്നത്: 2027-28 അധ്യയന വർഷം മുതൽ ഇത് നിർബന്ധമാക്കാനാണ് ആലോചന.

 
അന്താരാഷ്ട്ര ഉച്ചകോടികൾ (International Summits)

 
എ.ഐ ഉച്ചകോടി: അടുത്തിടെ നടന്ന എ.ഐ ഉച്ചകോടിയിൽ പങ്കെടുത്ത ബ്രസീൽ
പ്രസിഡന്റ് ലൂയിസ് ഇനാസിയോ ലുല ഡ സിൽവ ആണ്.
സന്ദർശനം: ഉച്ചകോടിയിൽ പങ്കെടുക്കാൻ ഫ്രഞ്ച് പ്രസിഡന്റ് ഇമ്മാനുവൽ
മാക്രോണും ഇന്ത്യയിലെത്തുന്നുണ്ട്.

 
കായികം & നേട്ടങ്ങൾ (Achievements)

 
മൗണ്ട് കിളിമഞ്ചാരോ റെക്കോർഡ്: ആഫ്രിക്കയിലെ ഏറ്റവും ഉയർന്ന കൊടുമുടിയായ
മൗണ്ട് കിളിമഞ്ചാരോയിലെ 'ഉഹുരു' കൊടുമുടി ഏറ്റവും വേഗത്തിൽ ഒറ്റയ്ക്ക്
കീഴടക്കിയ ഇന്ത്യൻ വനിതയായി ജ്യോതി ശർമ്മ മാറി.
സമയം: 5,895 മീറ്റർ ഉയരമുള്ള ഈ കൊടുമുടി 2 ദിവസവും 19 മണിക്കൂറും 44
മിനിറ്റും കൊണ്ടാണ് ഈ ഡൽഹി സ്വദേശിനി കീഴടക്കിയത്.

 
സാങ്കേതികവിദ്യ (Technology)

 
റഷ്യൻ മെസ്സഞ്ചർ: വാട്സാപ്പിന് പകരമായി ഉപയോഗിക്കാൻ റഷ്യൻ സർക്കാർ
തദ്ദേശീയമായി നിർദ്ദേശിച്ച ഒഫീഷ്യൽ മെസ്സഞ്ചർ ആപ്പാണ് മാക്സ് (MYX).
പശ്ചാത്തലം: മെറ്റ കമ്പനിയെ തീവ്രവാദ സംഘടനയായി പ്രഖ്യാപിച്ചുകൊണ്ടാണ്
റഷ്യ വാട്സാപ്പിന് നിയന്ത്രണം ഏർപ്പെടുത്തിയത്.

 
ദേശീയം (National)
സേവാ തീർത്ഥ്: സെൻട്രൽ വിസ്ത പദ്ധതിയുടെ ഭാഗമായി നിർമ്മിച്ച
പ്രധാനമന്ത്രിയുടെ പുതിയ ഓഫീസ് ഉൾപ്പെടുന്ന മന്ദിരത്തിന്റെ പേര് സേവാ
തീർത്ഥ് എന്നാണ്.
കർത്തവ്യ ഭവൻ: ഇതോടൊപ്പം ഉദ്ഘാടനം ചെയ്യപ്പെടുന്ന മറ്റ് കെട്ടിടങ്ങളാണ്
കർത്തവ്യ ഭവൻ 1, 2.

 
സൂചികകളും പുരസ്കാരങ്ങളും (Indices & Awards)
അഴിമതി സൂചിക 2025: ഈ വർഷത്തെ അഴിമതി സൂചികയിൽ ഇന്ത്യയുടെ സ്ഥാനം 91 ആണ്.
നിശാഗന്ധി പുരസ്കാരം: നൃത്തരംഗത്തെ സമഗ്ര സംഭാവനയ്ക്കുള്ള സംസ്ഥാന
സർക്കാരിന്റെ ഈ വർഷത്തെ നിശാഗന്ധി പുരസ്കാരത്തിന് ദർശന ജാവേരി അർഹയായി.